AN ISTORYA KAN
1
Nagpuon an gabos sa sarong tanaw
na nagin hararom na pag-omaw
ni Roming kargador ki Josefang tindera
ki dulsing pili buda ampaw.
Dai makataram an Roming talaw
kaya nagkua ki mapatahaw
si Bertong drayber sweetlover
sarong banggi an pinadalaw.
Si Josefang mamundo
sa agom na harayo
madalion guminaro
ki Bertong bantog na para-maro.
Si Romy an nagbakal;
Si Berto an nagtao.
Si Romy an nagpadaba;
Si Berto an nakatana
ki Josefang mamundo,
sa agom na harayo.
2
Haloy bago naisihan ni Romy
na siya palan piglalansi
paluwas hali sa paghiling ki sine.
Dawa na ngani nakukulugan,
an pagkamuot dai nabawasan
pigtatanaw na sana
mantang luway-luway piggagadan.
3
si Berto nagdulag pa-Aklan,
si Josefang madalion guminaro ngonian napano
ki pagmundo.
Pano niya maitataram
sa agom na destino sa Japan
na an aking pigdadara
an ama, bako man siya.
Sa gubot na pag-isip ni Josefa
sarong aldaw binarayaan su pigtinda
suminakat duman sa ikatulong iskalon
duman sa tindahan kan
Dai niya na gayud pig-iisip kan
sa tampi kan
pagduko su tawo nag-garasudan...
Maray ngani ta may kamot,
na sa bado niya huminakbot
kun dai sarong hangos niya na sana
pupuruton na siya sa baba.
Sa lalaking nagsalbar
nakakua siya ki bagong ugma.
An lalaking parasalbar si Romy warang iba.
4
An istoryang arog kaini
magayun na baga kutang tapuson na digdi
pero bako arog kaan su nangyari kaya, padi, dai pupuwede.
Sa pagpadagos nagsaro su duwa
si Romy buda Josefa
dawa ngani diit na panahon
nagin maogma man sinda.
Kaya kun ano man su nangyari
kasu-sarong banggi
daing paisi.
Ini an istorya
buda ni Josefa, sa pagkamuot ninda.
Ini an istorya
sa pagkamuot niya
ki Josefang tindera.
Masasabi ta daw
na ini sala
na an pagpadaba niya
bagong tama?
Masasabi ta daw na ini sala?
c Jimple Borlagdan 2009
No comments:
Post a Comment